SØRNORSK FOLKEMUSIKKSENTER
Senter for folkemusikk og -dans i Agder, Telemark og Vestfold
Telemark folkemusikksenter vart etablert i 2015 som ein regional samarbeidsorganisasjon for folkemusikk og -dans i Telemark og Agder. Det skal vere eit ressurssenter på folkemusikkfeltet, som skal rette arbeidet både mot den frivillige og den profesjonelle sektoren. Senteret ønsker å bidra til at folkemusikarar og -dansarar kan leve og arbeide i vårt distrikt, men også yte hjelp til frivillige aktørar og arbeide med rekruttering, talentutvikling og variert aktivitet elles. Vidare skal senteret arbeide med dokumentasjon og formidling av felemakartradisjonane i distriktet. Den overordna målsetjinga er å sjå heile folkemusikkfeltet i samanheng og stimulere til aktivitet på alle nivå.
Vi arbeider med å finansiere ei stilling som dagleg leiar. Inntil det er på plass, er drifta i hovudsak avgrensa til enkelte faste tiltak. Vi formidlar kvart år to konsertturnear i regionen med utøvarar frå vårt distrikt, og vi har, i samarbeid med Bø kulturskule, ansvar for eit fordjupingskurs i folkemusikk og -dans for ungdom.
1. januar 2020 bytta me namn til
Sørnorsk folkemusikksenter!
Ta kontakt for å høyre meir om kva me kan gjere for deg!
Verksemda til Sørnorsk folkemusikksenter er mogleg gjennom tilskot frå Kulturrådet, Vestfold og Telemark fylkeskommune, Midt-Telemark kommune, FriFond og KOMP. Me takkar!
SAMARBEIDSPARTNARAR
TELEMARKFESTIVALEN
Telemarkfestivalen er ein internasjonal folkemusikkfestival som vert arrangert i Bø i Telemark over fire dagar i august.
Festivalen vart arrangert for første gang i 1990 og har vore arrangert hvert år siden. Festivalen har 4000–6500 besøkande kvart år. Festivalen arrangerar også konserter i Bø resten av året.
Telemarkfestivalen har norsk folkemusikk som basis, men har også ein viss andel utenlandske artistar i sitt program. Festivalen har lagt vekt på å både presentere tradisjonell folkemusikk og kombinasjoner av gammalt og nytt gjennom konsertar, sessions og tingingsverk. Det er også en omfattande kurs- og førelesingsverksemd knytta til festivalen.
Festivalen har eit sekretariat beståande av dagleg leiar Kristoffer Mosfjeld. Øvrig drift er basert på frivillig arbeid. Sittande styreleier er Heidi Elise Klokkehaug.
Arrangement med folkemusikk og folkedans
søn. 05. juniNes gard05. juni 2022, 13:00 – 15:00Nes gard , Garvikstrondi, 3840 Seljord, Norge
